islamic pictures gallery images in urdu

Tuesday, 19 July 2022

ہے لقب جس کا غنی اور جامع القران ہے

جس کا تن من دھن سبھی اسلام پر قربان ہے

نرمیِ گفتار بھی جس شخص کی پہچان ہے

وہ عظیم الشان انساں حضرت عثمان ہے

کر دیا قرآن یکجا ایسے جرات مند کو

ہے سلام اس دین و دنیا والے دولت مند کو

سنتے ہی بھیجا نبی نے اک ضرورت مند کو

کنجیاں دے دیں خزانے کی یہ جسکی شان ہے

وہ عظیم الشان انساں حضرت عثمان ہے

وقت آخر چین سے جو شخص جینے سے رہا

وقف کی جس نے جگہ مسجد میں آنے سے رہا

وقف کے اپنے کنوے سے پانی پینے سے رہا

یہ ستم اس پر ہوا جس نے کیا احسان ہے

وہ عظیم الشان انساں حضرت عثمان ہے

اس لئے بھی کہتے ہیں اس کو عظیم الشان سب

حسب حاجت وہ مہیّا کرتے تھے سامان سب

جیتے جی تو کر دیا اسلام پر قربان سب

جان بھی جسکی گئی پڑھتے ہوئے قرآن ہے

وہ عظیم الشان انساں حضرت عثمان ہے

اہل ایماں پر ہے واجب اس صحابی کا ادب

جس کو ذوالنورین کا بخشا گیا گوہر لقب

اور سخی اتنا کہ پوری کرتا ہر اک کی طلب

وہ جو پیکر ہے حیا کا اور عظیم انسان ہے

وہ عظیم الشان انساں حضرت عثمان ہے

معین گوہر

Wednesday, 20 July 2022